Job 42:2
‘Ek weet dat U alles kan doen en geen plan vir U onuitvoerbaar is nie.’
– Ons moet nooit beperk wat God kan doen nie.
– Ons moet by die punt kom waar ons sê: ‘Niks is vir U te moeilik nie!’
– Geen situasie of omstandigheid wat jy moet hanteer is te moeilik vir God om te hanteer nie.
– Wat God onderneem om te doen, sal Hy doen – vertrou dus op Hom.
Gebed: Vader, dit is wonderlik om te weet dat niks vir U te moeilik is nie en dat U enigiets kan doen. Ek plaas dus al die sorge en bekommernisse wat ek in my hart dra in U magtige hande. U planne en doelwitte sal uitgevoer word en ek kan op U vertrou. Amen.
