Spreuke 16:9
‘Die hart van die mens dink sy weg uit, maar die Here rig sy voetstappe.’
– Wanneer die Here jou lei, is jou toekoms veilig.
– Ons moet beplan en die Here vra om ons te lei en Sy weg te wys.
– God is die beste Gids en Rigter wat ons ooit in ons lewens kan hê.
– Hy weet wat die beste is en Hy wil die beste vir elkeen van ons hê.
Gebed: Vader, dit is wonderlik om te weet dat U my voetstappe sal rig en bepaal sodat ek nie op die verkeerde pad sal beland nie. U weet wat U vir my voorberei het en daarom sal ek op U vertrou terwyl ek my planne maak en wanneer ek vorentoe tree na die bestemming wat U vir my beplan het. Amen.