Eségiël 3:22
En die hand van die Here was daar op my, en Hy het vir my gesê: Staan op, gaan uit na die laagte, en Ek sal daar met jou spreek.
– Net soos die hand van die Here op Esegiël was, kan dit ook op jou wees.
– Hy is met jou en Hy wil Sy hand van guns op jou plaas.
– Hy wil hê dat jy Sy teenwoordigheid in jou lewe moet ervaar.
– Terwyl dit gebeur, sal Hy jou wys watter pad om te gaan en Hy sal jou lei.
Gebed: Vader, ek bid dat U vandag oor my sal kom en U hand op my en my lewe sal plaas. Ek begeer om U beter te ken en om U teenwoordigheid met my te ondervind terwyl ek luister en doen, dit waarna U my lei om te doen. Amen.
