Efesiërs 3:20
‘En aan Hom wat mag het om te doen ver bo alles wat ons bid of dink, volgens die krag wat in ons werk,’
– Terwyl ons met die Here wandel, kan Sy krag in ons werk.
– Sy krag in ons kan ons in staat stel om meer te doen as wat ons kon dink.
– Sy krag in ons gee ons die mag om deur elke storm en beproewing te kom.
– Hy sal jou die krag gee om te oorwin, vertrou dus op die Een wat kan!
Gebed: Vader, dank U vir U krag wat in my werk. Ek hoef nie op my eie krag en vermoë staat te maak nie, maar ek kan op U mag in my lewe vertrou. Dit is U wat die verskil maak en dit is U wat meer kan doen as wat ek kan vra of dink. Amen.
