Josua 14:10
‘En nou, kyk, die Here het my laat lewe, soos Hy gespreek het, nou al vyf-en-veertig jaar sedert die Here hierdie woord met Moses gespreek het … en kyk nou, ek is vandag vyf-en-tagtig jaar oud;’
– Alles wat God belowe het, kan ten volle op vertrou word.
– Hy is getrou in die nakoming van Sy beloftes.
– Die krag van God in ons lewens ken geen perke nie.
– Die behoud van lewe is ‘n bewys van God se beskerming en voorsiening.
Gebed: Vader, dankie dat U deur die verloop van tyd met my is. U gee my blywende krag en geloof. U sal my bewaar en U sal doen wat U belowe het en ek sal in U rus. Amen.
