Handelinge 9:17
‘Saul, broeder, die Here het my gestuur, naamlik Jesus wat aan jou verskyn het op die pad waarmee jy gekom het, sodat jy weer kan sien en met die Heilige Gees vervul word.’
– Die Here gebruik mense om ons aan te raak en ons lewens te verander.
– Die Here het Ananias gestuur sodat Saul se blindheid genees kon word.
– Soms kruis mense ons paaie met ‘n doel.
– Ons lewens kan met ander kruis, sodat God ons in hulle lewens kan gebruik.
Gebed: Vader, dank U dat U die God van goddelike afsprake is. U bring ander vir U doel en plan in ons lewens. Terselfdertyd wil U ons lewens gebruik om die lewens van ander aan te raak. Mag ons nooit die geleentheid misloop nie. Amen.
