Psalm 118:24
‘Dit is die dag wat die Here gemaak het; laat ons daaroor juig en bly wees.’
– Vandag is ‘n nuwe dag en dit is ‘n geskenk van die Here aan jou.
– Sy genade is elke oggend nuut en Sy getrouheid is wonderbaar.
– Dit is asof ons met elke nuwe dag ‘n nuwe begin kan maak.
– Kom ons wees dankbaar en geniet die geleenthede wat God ons gee.
Gebed: Vader, dank U vir hierdie nuwe dag, hierdie nuwe begin en hierdie nuwe geleentheid. Help my om nie die wonder van elke nuwe dag wat U vir my gee, mis te loop nie en help my om die tyd wat U my gegee het ten beste te benut. Amen.
