Daaglikse Bybel Vers: Spreuke 16:7
‘As die HERE behae het in die weë van ‘n man, dan laat Hy selfs sy vyande met hom vrede hou.’
– Ons moet ons lewe, lewe sodat die Here ‘n behae daarin sal hê.
– Daar moet niks omtrent ons lewe wees wat God se seën sal verhinder nie.
– Kom ons volg die voorbeeld wat Christus vir ons gestel het.
– Die loon is so vêr reikend dat selfs ons vyande in vrede saam met ons sal lewe.
Gebed: Vader, ek kies om te lewe tot U eer. Mag ek rein en opreg voor U lewe en mag ek die voordeel as gevolg daarvan geniet. Amen.
