‘Hulle roep, en die HERE hoor, en Hy red hulle uit al hul benoudhede.’
– Wanneer ‘n kind van God na Hom roep, hoor Hy hulle.
– Die oomblik wat jy na Hom roep, reageer Hy om verligting te bring.
– Daar is geen moeilikheid wat so kragtig is dat God ons nie kan bevry nie.
– Dinge mag dalk onmoontlik en ingewikkeld lyk, maar dit is nie te moeilik vir Hom nie.
Gebed: Vader, waar ek vandag tot U roep, roep ek met die wete en die vertroue dat U met my is en U hoor my as ek roep. Dit is wonderlik om te weet dat niks vir U te moeilik is nie en U kan my dus uit al my benoudhede verlos. Amen.