‘Daarom hou ons ook nie op nie, van die dag af dat ons dit gehoor het, om vir julle te bid en te vra dat julle vervul mag word met die kennis van sy wil in alle wysheid en geestelike insig.’
– Dit is die Here wat jou deur jou lewe sal lei en rig.
– Hy wil vir ons die ‘kennis van sy wil’ en wysheid en insig gee.
– Wanneer ons nie weet wat om te doen nie, kan ons Hom vra om vir ons wysheid te gee.
– Jy is nie veronderstel om hierdie pad alleen te stap nie, Hy is met jou en Hy sal jou lei.
Gebed: Vader, Ek bid dat U sal kom en vir my die kennis van U wil vir my situasie gee. Ek bid ook dat U my die wysheid en insig sal gee om die regte besluite te kan neem. Amen.
