‘En Simon Petrus antwoord Hom: Here, na wie toe sal ons gaan? U het die woorde van die ewige lewe.’
– Die Here is die Bron van alles wat jy nodig het.
– Daar is niemand anders tot wie jy jou kan wend nie, behalwe die Here Homself.
– Moenie op al die verkeerde plekke om hulp soek nie.
– Slegs in God sal jy die dinge vind wat jou siel werklik sal bevredig.
Gebed: Vader, ek besef dat ek my net tot U kan wend en U om hulp kan vra. U is die Bron van alle goeie en volmaakte gawes en U weet presies wat ek nodig het. Dus, kom ek na U toe – U is my Bron. Amen.
