‘Ek het as ‘n lig in die wêreld gekom, sodat elkeen wat in My glo, nie in die duisternis sou bly nie.’
– Die koms van Christus was vir die hele mensdom ‘n gawe van lig en hoop.
– HY wil die lig van jou lewe en die lig van jou wêreld word.
– Namate jy in Hom GLO, kan duisternis en wanhoop vernietig word.
– Laat Sy lig jou hart en lewe nou oorstroom.
Gebed: Vader, ek verklaar dat ek in U glo. Ek open die deur van my hart en vra dat U sal inkom en my hart en siel met U lig van hoop, sal oorstroom en ek bid dat alle duisternis verban sal word. Amen.
