Daaglikse Bybel Vers: Johannes 1:12
‘Maar almal Wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo.’
– Ons kan kies om ons lewens aan God oop te maak of ons kan die deur toemaak.
– Wanneer ons die deur van ons lewens vir Hom oopmaak, wag daar baie seëninge op ons.
– Wanneer ons die deur toemaak mis ons alles wat Hy vir ons voorberei het.
– As jy Hom ontvang sal Hy jou die krag gee om Sy kind te word.
Gebed: Vader, dankie dat ek U in my hart en in my lewe kan ontvang. Wat ‘n vreugde is dit nie om te weet dat ek U kind kan wees en dat U krag en lewe in my kan invloei! Amen.
