‘Daarop kom hy by ‘n plek waar hy die nag oorgebly het, want die son was al onder. En hy neem een van die klippe van die plek en sit dit onder sy hoof, en hy gaan lê en slaap op dié plek.’
– Vir jou om in ‘n moeilike situasie te wees is vir God geen uitdaging nie.
– Hy kan jou net daar ontmoet en Hy kan jou lewe verander.
– Hy kan jou ‘moeilike plek’ in ‘n plek van ontmoeting met Hom, verander.
– Gee God jou uitdagings en kyk wat Hy daarmee sal doen.
Gebed: Vader, ek is so dankbaar dat U my en my situasie ken. Ek weet dat U my hier, waar ek is, kan ontmoet en dat U my en my situasie kan aanraak en verander. Amen.
