‘Daarna het die Here aan hom (Abraham) verskyn by die terpentynbome van Mamre terwl hy by die ingang van die tent sit op die warmste van die dag.’
– Op die warmste van die dag het die Here verskyn.
– Kan jy glo, dat op jou moeilikste oomblik kan Hy arriveer?
– Ja, Hy is nooit laat nie, en Sy tydsberekening is altyd onberispelik.
– Wag dus met verwagting en kyk wat Hy in jou situasie sal doen.
Gebed: Vader, net soos wat Abraham in die hitte van die dag gesit het en U voor hom tevoorskyn sien kom het, so sal ek glo dat dit nie saak maak hoe uitdagend my situasie mag wees nie, U sal opdaag en my red en verlos. Amen.
