Daaglikse Bybel Vers: Galàsiërs 6:2
‘Dra mekaar se laste en vervul so die wet van Christus.’
– Ek en jy het die vermoë om ‘n seën te wees en ander se laste ligter te maak.
– Ons moet gereed wees om ander te help want elkeen dra sy eie las.
– Wanneer ons dit doen is ons besig om te saai en kan ons verwag om ‘n oes te maai.
– Laat ons dan ‘n seën wees deur ander te help en sodoende die Here te behaag.
Gebed: Vader, ek bid dat my lewe ‘n seën vir almal om my sal wees. Mag ek die een wees wat in situasies sal inkom en die las van ander se skouers sal aflig, en sodoende U voorbeeld volg! Amen.
