Daaglikse Bybel Vers: Efésiërs 2:10
‘Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.’
– Die Here werk in elkeen van ons en Hy is besig om ‘n meesterstuk te skep.
– Hy betree ons lewens wanneer ons die deur van ons harte oopmaak en Hom binne nooi.
– Dan begin Hy om ‘n wonderlike werk binne ons te doen om ons ‘n nuwe skepping te maak.
– Hy moet dit doen, omdat Hy wonderlike dinge vir ons lewens beplan het.
Gebed: Vader, ek omhels die werk wat U vandag in my lewe doen. Dank U vir die vernuwing wat U bring wanneer ek oorgee aan U hand, mag my lewe vir U eer en lof bring. Amen.
