‘En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word …. Hy wat julle roep, is getrou; Hy sal dit ook doen.’
– Die Here sal nooit iets onvoltooid laat nie – Hy voltooi wat Hy begin.
– Die werk wat Hy in jou doen, sal Hy getrou tot stand bring.
– Die Here is aktief besig om jou te bewaak en te beskerm.
– Jy kan volkome op Sy getroue en blywende sorg en liefde reken.
Gebed: Vader, dank U dat U getrou en absoluut betroubaar is. Ongeag hoe donker dinge mag lyk, ek weet dat ek aan U behoort en ek kan op U alom-teenwoordige hulp vertrou en ook vir U beskermende hand oor my lewe en my toekoms. Amen.
