‘En dit is die vrymoedigheid wat ons teenoor Hom het, dat Hy ons verhoor as ons iets vra volgens Sy wil.’
– Dit is wonderlik om te weet dat ons vertroue in die Here kan hê.
– Ons het ook die reg en voorreg om God met ons versoeke te nader.
– Hy is ons Hemelse Vader wat ons liefhet en vir ons omgee.
– Hy hoor ons wanneer ons, ons behoeftes en ons hoop na Hom toe bring.
Gebed: Vader, dankie dat ek om U hulp in my situasie kan vra. Ek gebruik hierdie geleentheid om U te nader, wetende dat U my hoor en dat U vir my omgee. Amen.
