Daaglikse Bybel Vers: 1 Johannes 2:17
‘En die wêreld gaan verby en sy begeerlikheid, maar hy wat die wil van God doen, bly vir ewig.
– In die lewe hanteer ons die tydelike en die ewige.
– Die tydelike dinge is van min waarde en die ewige dinge is wat regtig saak maak.
– Wanneer dit ons prioriteit is om te doen wat God wil hê dat ons moet doen, is ons besig met ewige dinge.
– Moenie tyd verkwis op dinge wat verby sal gaan nie, laat ons die wil van God doen.
Gebed: Vader, ek kies om aan U gehoorsaam te wees en U te volg. Help my dat my aandag nie deur ander dinge afgelei sal word nie en dat ander dinge wat min ewige waarde het, nie my tyd sal verkwis nie en mag ek my lewe so leef dat dit U sal behaag. Amen.
