‘En hy het vir my gesê: Daniël, geliefde man, gee ag op die woorde wat ek met jou spreek, en gaan staan op jou staanplek, want ek is nou na jou gestuur.’
– Net soos Daniël is jy ook iemand vir wie die Here baie lief het.
– Die Here wil hê dat jy moet weet en besef dat Hy jou oneindig lief het en dat Hy vir jou sorg.
– Hy sal jou optel en jou weer op jou voete neersit.
– Hy sal die hulp wat jy nodig het stuur, so jy hoef nie te twyfel of te vrees nie.
Gebed: Vader, dank U vir U groot liefde teenoor my. Ek herken dat ek U kind is en dat My Hemelse Vader my lief het. Praat met my sodat ek onbeskaamd en met vertroue vorentoe kan tree. Amen.
