Jesaja 25:9
‘En hulle sal in dié dag sê: Kyk, dit is onse God op Wie ons gewag het, dat Hy ons kan verlos; dit is die HERE op Wie ons gewag het: laat ons juig en bly wees oor Sy hulp.’
– Daar sal ‘n tyd kom wanneer jou deurbraak ‘n werklikheid sal wees.
– Daar sal ‘n dag kom wanneer jy sal getuig oor wat God gedoen het.
– Daar sal ‘n oomblik kom wanneer jy terugkyk en die hand van God sien.
– Daar sal ‘n dag kom wanneer jy juig oor die antwoorde wat Hy bring.
Gebed: Vader, dank U vir die hoop en die belofte wat ek in U het. Ek sien uit na die dag wanneer ek sal sê: ‘Die Here het my gered, die Here het ’n pad gemaak en die Here het vir my die deurbraak gegee waarvoor ek op Hom vertrou het.’ Amen.
