Psalm 9:11
‘En hulle wat U Naam ken, sal op U vertrou, omdat U die wat U soek, nie verlaat nie, o Here!’
– Die Here sal jou nooit begewe of verlaat nie.
– Jy het jou vertroue in Hom gestel, sodat jy gerus kan wees en sekerheid kan hê.
– God het nog nooit iemand begewe wat getrou aan Hom vasgehou het nie.
– Hy is jou magtige Rots en jou Toevlug in die storms van die lewe.
Gebed: Vader, dank U dat ek U tenvolle kan vertrou. U begewe, verlaat, of verslap nie U houvas op diegene wat aan U vashou nie. Ek sal aan U vashou omdat U getrou is. Amen.
