Psalm 93:4
‘maar hoog bo die geraas van baie waters, hoog bo die golwe van die see, troon die Here in Sy koninklike mag.’
– God is veel groter as enige storm of uitdaging wat jy dalk moet hanteer.
– Miskien lyk dinge woelig en onhanteerbaar om jou.
– Moet nooit vergeet dat God groter en kragtiger is as al hierdie goed nie.
– Hy is met jou, Hy is altyd teenwoordig, en Hy kan berge versit.
Gebed: Vader, dank U dat ek myself daaraan kan herinner dat daar Iemand is wat met my is en wat groter as al die lewe se storms en kwessies is. Amen.
