Johannes 15:16
‘Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly…’
– Jy is deur God gekies vir Sy eie spesiale doeleindes.
– Die Here wil hê dat jy met ‘n doel en bestemming in jou hart moet leef.
– Hy wil hê dat jou lewe ‘n blywende impak op almal om jou moet hê.
– Aanvaar dus jou aanstelling en soek maniere om ‘n instrument in Sy hande te wees.
Gebed: Vader, dank U dat U hand op my lewe is en dat U my gekies en aangestel het om deel van U plan te wees. Ek gee my lewe aan U oor. Mag my lewe meer as net bestaan wees, maar mag my lewe ander met U liefde aanraak en bemoedig. Amen.
