Jesaja 49:9
‘om te sê aan die gevangenes: Gaan uit! aan hulle wat in duisternis is: Kom te voorskyn!’
– Die Here wil hê dat jy vryheid en lig in jou lewe moet geniet.
– Slawerny en duisternis is nie Sy begeerte vir jou nie.
– Hy het gekom om jou vry te maak van alles wat jou graag wil vernietig.
– Hy kom om die duisternis te verwyder en jou in Sy wonderlike lig te laat wandel.
Gebed: Vader, dank U dat ek nie ‘n gevangene hoef te wees nie en dat ek ook nie in duisternis en vrees hoef te lewe nie. U het gekom om my lewe en vryheid te gee en die vreugde om in die lig van U heerlikheid en genade te mag lewe. Amen.
