Jesaja 41:9
‘jy, wat Ek gegryp het van die eindes van die aarde en van sy uithoeke geroep het, en Ek het aan jou gesê: Jy is My kneg; jou het Ek uitverkies en jou nie verwerp nie.’
– Dit is deel van die karakter van God om mense vir Sy plan en doel te gebruik.
– Elkeen van ons is ‘n instrument in die hand van die Meester.
– Die Here het ‘n plan en ‘n doel vir jou en vir jou lewe.
– Hy het jou gekies en Hy het jou nie verwerp nie.
Gebed: Vader, dank U dat U my tot hier in my lewe gebring het. Ek herken dat U my lewe wil gebruik en dus plaas ek dit in U hande en gee ek dit aan U oor. Dank U dat U my NIE verwerp het nie, maar dat U nogsteeds ‘n wonderlike plan vir my het. Amen.
