‘…, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My ‘n volk wees.’
– Die Here wil vandag hê dat jy moet weet dat Hy met jou is.
– Hy stap saam met jou op hierdie lewenspad.
– Al voel jy alleen, verander dit nie die feit dat Hy daar is nie.
– Hy wil hê dat jy moet weet dat jy Syne is en Hy sal vir ewig jou God wees.
Gebed: Vader, dit is wonderlik om te weet dat U met my stap terwyl ek die pad volg wat U vir my voorberei het. Dit is wonderlik om te weet dat U MY God is en dat ek U kind is. Amen.
