‘Kyk op na die hemel: wie het die sterre geskep? Hy wat die hemelse leër laat uittrek in hulle volle getal, dit is Hy wat hulle elkeen gemaak het. Met Sy groot krag, Sy groot mag, sorg Hy dat geeneen van hulle ontbreek nie.’
– Dit is maklik om in die lewe perspektief te verloor en oorweldig te word.
– Ons moet stil raak en onsself daaraan herinner hoe groot God is.
– Hy gee die sterre name en verseker dat nie een verlore raak nie en Hy sorg vir jou.
– Kyk op, kyk om jou en sien die Here in die hele skepping – en ook in jou.
Gebed: Vader, dank U dat daar herinneringe en bewyse van U grootheid en U krag, rondom my is. Mag ek alles duidelik sien en dus geloof en hoop in U kan hê, want U weet alles en U is in beheer van alles. Amen.
