NOTAS: BLY IN JOU BAAN
SKRIFLESING:
Efesiërs 2:10 ‘Want ons is Sy maaksel, geskape in Christus Jesus tot goeie werke wat God voorberei het, sodat ons daarin kan wandel.’ Afr53
Inleiding
– Elkeen van ons se lewens is veel meer as blote bestaan.
– Vir jou om gebore te word, moes duisende verskillende aspekte oor honderde jare bymekaar kom.
– Dink net aan die wonderwerk van jou bestaan: Vir jou om gebore te word, het jy 4 094 voorgangers oor die afgelope vierhonderd jaar nodig gehad. Dink net aan: al die struwelinge, al die uitdagings, al die probleme, al die foute, al die hartseer en al die vreugdes. Jou voorgangers, moes dit alles ondervind om die toestande te weeg te bring sodat jy in hierdie tyd in die geskiedenis hier kon wees. As net een aspek nie gebeur het nie, of anders uitgedraai het, sou jy nie hier gewees het nie. Maar hier is jy! As jy dink dat hierdie magdom dinge wat in plek moes val vir jou om gebore te word bloot iets was wat by verstek gebeur het, is dit om die wonder van die lewe te onderskat.
– Jy is hier en lewe in hierdie tyd deur die ontwerp van God, en Sy vakmanskap (Sy goddelike hand van voorsienigheid) is oor jou hele lewe en deur die eeue van tyd geskryf.
– Jy is uniek in elke opsig, die resultaat van ontelbare en onvermelde dinge wat saamgekom het in God se merkwaardige plan.
– Dit herinner my aan my eie moeder se verhaal: sy is in ’n arm gesin gebore en was een van vyf dogters. Die suster wat net voor haar gebore is, is op die ouderdom van tweejaar aan breinvliesontsteking oorlede. Haar ouers het nooit oor hierdie verlies gekom nie. My moeder is in hierdie omstandigheid van uiterste hartseer, gebore, die plaasvervangende dogter wat nooit die een wat verlore was, kon vervang nie. Nogtans het God geweet dat Hy my moeder sou gebruik om die lewens van baie mense veral vrouens, aan te raak. Sy sou hulle herinner aan hoe lief God hulle gehad het en hoe Hy hulle wou gebruik, en wie hulle in Christus was. Sy het ‘n reeks boeke vir Bybelstudiedoeleindes ontwikkel genaamd KONINKRYKVROUENS en baie is gevolglik gehelp en versterk. Efesiërs 2:10 ‘Want ons is Sy maaksel, geskape in Christus Jesus tot goeie werke wat God voorberei het, sodat ons daarin kan wandel.’
– Die resultaat van die samekoms van ons lewens deur ons unieke geskiedenis en omstandighede, stel ons in staat om deur God gebruik te word om iets te doen (goeie werke). Trouens, die Here het dinge voorberei wat net jy kan doen en Hy het dit vooraf gedoen deur die spesifieke stel lewensomstandighede waaraan jy onderwerp was, en die unieke proses of behandeling wat jou tot by hierdie punt gebring het. Hierdie spesiale gawe wat jy aan die wêreld bring, behoort jou lewenswyse te word.
– Elkeen van ons het ‘n spesifieke roeping en doel van God.
– Wanneer ons binne daardie roeping werk, ervaar ons vervulling en effektiwiteit.
– Baie word egter afgelei, vergelyk hulself met ander, of neem dinge aan wat hulle nooit bedoel was om te doen nie.
– Ware sukses kom wanneer ons in die baan bly wat God voor ons gestel het.
– God het elkeen van ons uniek ontwerp en toegerus vir Sy doel.
1. WEES INGELIG OOR WAT JY GEROEP IS OM TE DOEN
– God het ‘n plan en ‘n doel met elke mens se lewe.
– Toe ek ‘n kind was, het my moeder vir my die verhaal van Josef vertel en die roete waardeur hy moes gaan om by God se eindbestemming vir sy lewe uit te kom. Sy sou my vertel dat alhoewel Josef nie verstaan het hoekom hy deur sekere dinge moes gaan nie, was daardie dinge alles deel van die bloudruk wat God vir sy lewe gehad het. ‘n Bloudruk is ‘n kopie van ‘n kaart, of ‘n tekening of ‘n plan van iets wat nog ontwikkel moet word.
– Alhoewel, terwyl ons deur die kwessies van die lewe gaan, ons dalk nie die sin in alles kan sien nie, is God aan die werk.
– Ons struikelblok kan dalk ons vastrapplek word. Oënskynlik onnodige struikelblokke of terugslae in die lewe kan eintlik verandering en transformasie bring, wat ‘n deur van geleenthede oopmaak. Hierdie einste dinge kan ons lewens van waarde vir God en vir ander maak. Uit ons ellende kan ons bediening kom.
– Om jou roeping te ontdek, vereis dat jy God deur gebed en Sy Woord soek.
– Jare gelede het ek ‘n preek van Dr Myles Munroe bygewoon. Hy het oor die onderwerp van doel gepraat. Hy het ons aangemoedig om God se Woord te lees. Hy het gesê dat as ons dit doen, sal ons vind dat ons met sekere gedagtes en idees identifiseer. Hy het genoem dat hierdie einste dinge, wat ons geïdentifiseer het, aanwysers van doel sou wees en sou help om te ontdek wat ons geroep is om te doen. Ek het dit gedoen en elke keer as ek by ‘n vers uitgekom het oor mense aanmoedig, mense versterk, hoop gee aan mense, help om die breuk wat tussen hulle en die Here ontstaan het, te herstel, sou ek sê – Dit is ek, ek kan, en ek moet dit doen.
– Dikwels strook ons roeping met die gawes en passies wat God in ons geplaas het. Dit was in my aard om ‘n aanmoediger te wees.
– Die Heilige Gees lei en bevestig ons roeping terwyl ons in geloof wandel.
– Dit gaan nie oor wat indrukwekkend lyk nie, maar oor wat God aan ons opgedra het.
– Gehoorsaamheid aan God se roeping lei tot vrede en doel.
– Jona het van sy roeping weggehardloop en moes onrus en chaos hanteer, maar toe hy gehoorsaam was, het hy God se krag aan die werk gesien.
2. OM IN JOU BAAN TE BLY
– My baan, my doel en my roeping was bloot om mense aan te moedig met die Woord van God wat lewend en kragtig is. Vir jou kan dit heel anders wees.
– Terwyl ek myself besig gehou het deur ‘n aanmoediger te wees, het mense na my toe gekom en vir my gesê dat ek iets anders moet doen. Party het gevoel dat ek vanaf mense aanmoedig moet wegbeweeg en hulle liewer moet begin leer, ander het gevoel ek moet mense nie net aanmoedig nie, maar ek moet vir hulle sê dat elke seën van hul gedrag afhanklik is. Soms kon ek hulle punt insien, maar ek het myself aan my roeping herinner en dat ek ‘in my baan moet bly’, want God sal ander roep om ander dele van die groot prent te vervul.
– Toe ek gedoen het waarvoor God my geroep het, het ek ontdek dat ek die gelukkigste was en die mees vervuld gevoel het.
– Dit is maklik om na ander te kyk en die druk om te doen wat hulle doen, te voel.
– Vergelyking lei tot afleiding en moedeloosheid.
– 1 Korinthiërs 12:12 ‘WANT net soos die liggaam een is en baie lede het, en al die lede van die een liggaam, al is hulle baie, een liggaam is, so ook Christus.’
– Net soos elke deel van die liggaam ‘n funksie het, het elke persoon ‘n unieke rol.
– Om iemand anders se wedloop te hardloop lei tot frustrasie en ondoeltreffendheid.
– Fokus op wat God jou gegee het om te doen, en vertrou dat dit genoeg is.
3. VERMY AFLEIDINGS
– Die vyand gebruik dikwels afleidings om ons van ons roeping te probeer wegtrek.
– Ek het grootgeword as die seun van ‘n pastoor. My vader het ‘n wonderlike kerk bestuur wat 6500 lidmate gehad het ten tye van sy afsterwe. Die Here het hierdie kerk toegelaat om te groei en ‘n invloed in ons land te word. My vader se roeping was om mense te help in hul strewe na God en Sy kosbare Heilige Gees. Hy was lief vir die plaaslike kerk en om met ander pastore in die werk van die bedieningte te kon werk en te bemoedig. Eendag het ‘n kollega van my pa, wat ‘n baie suksesvolle kerk in ‘n ander deel van die provinsie bestuur het, besluit om die bediening te verlaat en ‘n reisende evangelis te word. Hy het aan my vader voorgestel dat dit tyd is vir hom (my vader) om in ‘n groter roeping in te tree en die plaaslike kerk te verlaat. Maar my vader was vasberade en het gesê dat sy roeping was die plaaslike kerk en die werk wat hy doen. ‘n Ander pastoor wat in ‘n internasionale rondtrekkende bediening ingetree het, het ook op ‘n ander geleentheid met my vader kom praat. Hy het vir my vader gesê dat hy te groot is vir die plaaslike kerk en buitendien kon hy in ‘n internasionale rondtrekkende bediening baie meer geld verdien.
Weereens wou my vader nie afgelei word nie. Hy sou by sy roeping bly hoe nederig of onbeduidend ander ook al gedink het dat dit was.
Die eindresultaat was dat beide hierdie ander individue se huwelike in egskeiding geëindig het en hul bedieninge het nooit hul oorspronklike proporsies herwin nie.
– Lukas 10:41-42: ‘Maar Jesus antwoord en sê vir haar: Martha, Martha, jy is besorg en verontrus oor baie dinge; maar een ding is nodig; en Maria het die goeie deel uitgekies wat van haar nie weggeneem sal word nie.’
– Afleidings kan goeie dinge wees wat nie die regte dinge is nie.
– Om naby God te bly, help ons om te onderskei waarop ons moet fokus.
– Tyd wat met God in gebed en Sy Woord spandeer word, hou ons staande.
– Nie alle herleidings is afleidings nie – soms verskuif God ons koers. Dit is heeltemal ‘n ander saak, solank dit nie bokant ons vuurmaakplek is nie of buite ons roeping is nie.
4. VERMY UITBRANDING DEUR BINNE JOU ROEPING TE WERK
– Terwyl ons binne ons roeping werk, is daar genade, krag en funksioneer ons gemaklik.
– Ek word geroep om mense aan te moedig. Dit kom vir my natuurlik. Dit is vir my die maklikste ding om te doen. Dit verkwik my, dit gee my vreugde en as ek klaar is, is ek nie moeg en uitgeput nie, maar ek word versterk en bemagtig. Wanneer ek egter probeer om daarbuite te opereer, lyk dit of dit my dreineer en my swak en soms moedeloos laat voel.
Daar was ‘n seisoen in ons kerk toe vergaderings aan die orde van die dag geword het. Dit het gevoel of ons oggend, nag en dag vergaderings hou. Om die waarheid te sê, daar was ‘n grap daaroor dat al wat ons by hierdie kerk nodig gehad het, was nog ‘n vergadering! Dit het gelyk of ons in ‘ vergaderingmodus’ gekom het. Ek was nie gebou vir ewigdurende vergaderings nie. Vergaderings het vermoeiend gelyk – hoe meer ons vergader het, hoe minder het dinge verander, behalwe in die notule. Ek sou van hierdie veelvuldige vergaderings tuis kom en op die rusbank aan die slaap raak. Ek besef dat vergaderings wel ‘n rol speel, maar as dit jou nie vinnig by jou roeping bring nie, sal jy uitgebrand raak.
– Jesaja 40:31 ‘maar die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.’
– Uitbranding vind plaas wanneer ons probeer om dinge buite ons roeping en God se leiding te doen.
– God se opdragte en roeping kom met Sy voorsiening en bemagtigende krag.
– Gereelde rus en vertroue op God, help ook om ons in ons roeping te onderhou.
5. DIE SEËN VAN FOKUS EN GETROUHEID
– Wanneer ons op ons roeping fokus, kan ons uitsien na vrugbaarheid in ons lewens.
– Johannes 15:5 ‘Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.’
– ‘n Bietjie kan baie word met die aanraking van die Meester se hand.
– Ons kan ‘n saad plant en ‘n groot oes maai, wat God se patroon vir ons lewens is.
– Ek glo dat wanneer ons besig is met ons roeping en doel ons ‘n bietjie kan insit en baie kan maai. Aan die ander kant, wanneer ons buite dit werk, kan ons dikwels baie plant en baie min maai
– Johannes 15:16 ‘Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly,’
– Kom ons doen wat God vir ons gekies het om te doen en wat Hy vir ons bestem het om te doen.
– Nog ‘n aspek is die beloning wat gepaard gaan met volgehoue getrouheid aan ons roeping.
– In die Bybel, sê Hebreërs 12:1, ‘laat ons ook elke las aflê en die sonde wat ons so maklik omring, en met volharding die wedloop loop wat voor ons lê,’
– Getrouheid in die klein dingetjies lei tot groter dinge. God beloon diegene wat ywerig en konsekwent in hul roeping is. ’n Lewe van volgehoue gehoorsaamheid bring vrede, vreugde en vervulling.
Gevolgtrekking:
– God het ‘n unieke roeping vir elkeen van ons.
– Efesiërs 2:10 ‘Want ons is Sy maaksel, geskape in Christus Jesus[gereed om gebruik te word] tot goeie werke wat God vooraf bestem het, sodat ons daarin kan wandel.
– Om in ons baan te bly lei tot doeltreffendheid, vervulling en goddelike voorsiening.
– Deur God te soek, afleidings te vermy en Sy plan te vertrou, kan ons met vertroue in ons roeping wandel.
– Hebreërs 12:1 ‘en met volharding die wedloop loop wat voor ons lê,
– Terwyl ons, ons spesifieke wedloop hardloop, sal God ons soms toelaat om deur dinge te gaan wat op daardie tydstip moeilik lyk. Dit is om ons voor te berei vir Sy planne vir ons lewens.
– AANHAALING: Deur Oswald Chambers: ‘As jy deur God gebruik gaan word, sal Hy jou deur ‘n aantal ervarings neem wat glad nie vir jou persoonlik bedoel is nie. Hulle is ontwerp om jou nuttig in Sy hande te maak, en om jou in staat te stel om te verstaan wat in ander se lewens plaasvind.’
– Josef het aan sy roeping, getrou gebly selfs in die moeilikste omstandighede.
– Genesis 39:21-22 ‘Maar die Here was met Josef, en Hy het goedertierenheid aan hom bewys en hom guns verleen in die oë van die owerste van die gevangenis. En die owerste van die gevangenis het almal wat in die gevangenis opgesluit was, aan Josef toevertrou; en alles wat daar te doen was, het hý gedoen.’
– Ten spyte daarvan dat hy valslik beskuldig en gevange geneem is, het Josef voortgegaan om in integriteit te wandel en sy Godgegewe gawes te gebruik.
– Sy getrouheid in daardie seisoen het hom voorberei vir die groter roeping om Egipte te lei.
– Om in ons roeping te bly, selfs wanneer omstandighede onregverdig lyk, lei tot God se aangewese bevordering.
– Kom ons bly getrou en gefokus, met die wete dat God se plan die beste plan vir ons lewens is. JOU VERHAAL IS NOG NIE KLAAR NIE!
Deur: Andrew W Roebert
Hierdie notas mag met ander gedeel word.
