Romeine 8:34
‘Wie is dit wat veroordeel? Christus is dit wat gesterf het, ja, meer nog, wat ook opgewek is, wat ook aan die regterhand van God is, wat ook vir ons intree.’
– Dit is wonderlik om te weet dat die Here veg vir ons, Sy kinders.
– Die Here glo in jou en wil die beste vir jou hê.
– Ander mag dalk probeer om jou te veroordeel, maar die Here is jou helper.
– In Hom kan jy die oorwinning en die hoop op die ewige lewe geniet.
Gebed: Vader, dankie vir al die hoop wat ek in U kan hê. U is my helper en U is die Een wat namens my intree. Ek het dus niks om te vrees nie en daar is geen veroordeling nie, want my lewe is in U. Amen.
