2 Korinthiërs 1:3-4
‘God is die Vader van ontferminge en die God van alle vertroosting, Wat ons troos in al ons verdrukking,…’
– Jy het ‘n Hemelse Vader wat altyd gereed is om jou te help en te vertroos.
– In elke situasie wat jy moet hanteer, weet Hy hoe om jou te troos en te versterk.
– Veral wanneer ons probleme ondervind, kom Hy langs ons om ons vas te hou.
– Sy troos gee ons die vrede, krag en gerusstelling wat ons nodig het om voort te gaan.
Gebed: Vader, ek herken dat U weet wat ek nodig het en hoe om my te troos in dit wat ek moet hanteer. U is my Hemelse Vader en U is met my om my te vertroos en te beveilig terwyl ek in geloof en vertroue in U vorentoe tree. Amen.
