Matthéüs 7:25
‘En die reën het geval en die waterstrome het gekom en die winde het gewaai en teen daardie huis aangestorm, en dit het nie geval nie, want sy fondament was op die rots.’
– Om die storms van die lewe te trotseer, is deel van die lewe.
– Niemand word die storms, die uitdagings en die hekkies gespaar nie.
– Die groot vreugde is om te weet dat hierdie kwessies ons nie hoef neer te druk nie.
– As ons fondasie op die Rots is – God – kan ons die toets deurstaan en slaag.
Gebed: Vader, ek kies om my lewe, my toekoms en my hoop en drome op U te bou. U is die vaste Rots waarop ek kan staatmaak en U sal sorg dat ek deur die storm kom en dat ek nog sal staan. Amen.
