‘En die Here sal jou gedurigdeur lei en jou siel versadig in dor plekke en jou gebeente sterk maak;…’
– Soos ‘n herder sy skape lei, so sal die Here jou lei en rig.
– Hy sal jou dag na dag lei en jou gedurig aan die hand neem.
– Hy weet wat jy nodig het, en Hy sal jou behoeftes voorsien.
– Hy sal langs jou stand inneem en Hy sal jou versterk.
Gebed: Vader, dankie dat U dwarsdeur die lewensreis, my konstante Metgesel is. U is die Een wat my lei, vir my voorsien en my versterk. Ek maak staat op U om my voortdurend te dra. Amen.
