‘Waarlik, so sê die Here: Ja, die gevangenes van die held sal afgeneem word, en die buit van die tiran sal ontvlug; en jou bestryder sal Ek bestry en jou kinders sal Ek verlos.’
– Die Here het geregtigheid en regverdigheid lief.
– Hy sal nie toelaat dat onreg vir ewig voortduur nie.
– Hy sal intree en jou vyande vir jou bestry.
– Hy sal dinge omdraai en Hy sal jou kinders verlos en red.
Gebed: Vader, dank U dat U dinge regmaak en alles wat in die duisternis gedoen word in U wonderlike lig inbring. U sal vir my en my gesin veg. Ons sal sekuur wees, omdat U ons sal red en verlos. Amen.
