Daaglikse Bybel Vers: Filippense 4:6
‘Wees oor niks besorg nie, maar laat julle begeertes in alles deur gebed en smeking met danksegging bekend word by God.’
– Bekommernis, stres en benoudheid is nie deel van die Here se plan vir ons lewens nie.
– Hy wil hê dat ons in afhanklikheid op Hom, moet lewe.
– Ons doen dit as ons, ons bekommernisse, stresse en sorge in gebed na Hom toe bring.
– As ons in dankbare afhanklikheid op Hom lewe, kan ons rus en vrede in ons harte ervaar.
Gebed: Vader, ek gee U vandag al my sorge en bekommernisse. Ek kies om nie benoud oor enigiets te wees nie, maar ek kies om liewer al hierdie dinge voor U voete neer te lê, want U is meer bekwaam om dit te hanteer as wat ek is. Amen.