‘En dit is die Here wat voor jou uit trek; Hy sal met jou wees; Hy sal jou nie begewe of verlaat nie; jy mag nie bevrees of verskrik wees nie.’
– Jy hoef nie bang of moedeloos te wees nie, want die Here is met jou.
– In werklikheid gaan Hy voor jou uit om jou te lei en te rig, en om jou die weg te wys.
– Die voortdurende teenwoordigheid van die Here is met jou, vandag en in die toekoms.
– Jy sal niks wat op jou pad kom, ooit alleen hoef te hanteer nie.
Gebed: Vader, dankie dat U met my is. Ek is nie alleen nie, want u teenwoordigheid gaan saam met my. Ek verwerp alle vrees en ontmoediging en kies moed en hoop, want ek weet dat U met my is. Amen.
