Daaglikse Bybel Vers: 2 Kronieke 5:13
‘…, en net toe hulle die stem verhef met die trompette en met die simbale en met die musiekinstrumente, en met: Loof die HERE, want Hy is goed, want sy goedertierenheid is tot in ewigheid! Is die huis, die huis van die HERE, vervul met ‘n wolk.’
– Wanneer ons begin om God te loof en aanbid, verander alles.
– Toe hulle, hulle stemme verhef het was die tempel met ‘n wolk gevul.
– Wanneer ons God loof, wil Sy teenwoordigheid ons lewens indring.
– Jou liggaam is ‘n tempel vir Sy Gees, laat Hom toe om in te kom en jou van binne te vervul.
Gebed: Vader, ek verhef my stem vandag en loof U heilige naam. U is goed en U liefde duur tot in ewigheid. Kom en vul my hart en my lewe met die wolk van U teenwoordigheid vandag. Amen.
